ရန်ကုန်မြို့သစ်စီမံကိန်းအနီးဝန်းကျင်ရှိ အိမ်ခြံမြေများ အရောင်းအဝယ် ပြန်လည်ကောင်းမွန်နေ

ရန်ကုန်မြို့သစ်စီမံကိန်းအနီးဝန်းကျင်ရှိ အိမ်ခြံမြေများ အရောင်းအဝယ် ပြန်လည်ကောင်းမွန်နေ


ရန်ကုန်တိုင်းဒေသကြီး ကြည်မြင့်တိုင်မြို့နယ် တစ်ဖက်ကမ်း၌ ဖော်ဆောင်မည့် ရန်ကုန်မြို့သစ်စီမံကိန်း အနီးဝန်းကျင်ရှိ အိမ်ခြံမြေများ အရာင်းအဝယ် ပြန်လည်ကောင်းမွန်လျက်ရှိကြောင်း အိမ်ခြံမြေလုပ်ငန်းရှင်များထံမှ သိရသည်။


ရန်ကုန်မြို့သစ်စီမံကိန်း အနီးဝန်းကျင် အိမ်ခြံမြေများကို ဝယ်ယူသူအများစုသည် ယခင်က အရောင်းအဝယ်ဖြစ်မှုနည်းကြောင်း၊ ယခုအခါ အရောင်းအဝယ်ကောင်းမွန်နေသည့် အိမ်ခြံမြေလုပ်ငန်းများ အကျိုးဖြစ်ထွန်းနေကြောင်း သိရသည်။


လက်ရှိလာရောက်ဝယ်ယူမှု အများဆုံးမြေများမှာ ပေ ၄၀× ပေ ၆၀ မြေကွက်များဖြစ်ပြီး နေရာပေါ်မူတည်၍ ငွေကျပ်သိန်း ၁၅၀ မှ ငွေကျပ် သိန်း ၂၀၀ အထိ ဈေးရှိကြောင်း၊ ယခင်က မြေပိုင်ဆိုင်မှုများတွင် ခိုင်မာမှုမရှိသော်လည်း မြို့သစ်စီမံကိန်း၌ ပြန်လည်နေရာချထားရေးအတွက် ယာယီမြေပေးအမိန့်များထုတ်ပေးနေခြင်းကြောင့် ဝယ်ယူမှုမြင့်တက်လာခြင်းဖြစ်ကြောင်း သိရသည်။


လက်ရှိတွင် မူလယာယီမြေပေးမိန့်ထုတ်ယူရန် ကျန်ရှိနေသာမြေပိုင်ရှင်များအား ယာယီမြေပေးမိန့် ပြန်လည်ပေးအပ်ခြင်းကို အပတ်စဉ် ဗုဒ္ဓဟူးနေ့နှင့် ကြာသပတေးနေ့တို့တွင် နံနက် ၉ နာရီခွဲမှ ညနေ ၄ နာရီခွဲအထိ တွံတေးမြို့နယ် အထွေထွေအုပ်ချုပ်ရေးမှူးရုံး၌ ဆောင်ရွက်ပေးလျက်ရှိကာ အရောင်းအဝယ်ပြုလုပ်နေသည့် မြေများမှာ စလစ်ထွက်ရှိပြီးသား မြေများသာဖြစ်ကြောင်း သိရသည်။

 

Credit to the Myanmar builders guide

 

Myanmar Real Estate Exchange

Interested in publishing your property on our website?

Click to list your property